احلى طبق فوووووووووووول للسحور

السلام عليكم ورحمة الله وبركاته وكل سنه وانتم طيبين بدء العد التنازلى لشهر رمضان الكريم اعاده الله علينا وعلى امة محمد باليمن والبركات هاقولكم على طريقة عمل فول للسحور تحفة عن تجربة اولا المقادير فول حسب عدد الافراد وسدق و2حبة طماطم 1 بصل مقطع طرنشات رفيعة و2قرن فلفل اخضر مقطع قطع صغيرة وبهارات ملح وفلفل وبهارات لحمة اولا هاتهرسى الفول حلو قوى وبعدين تسيبيه وهاتجيبى برام فخار وتحطى فيه البصل والفلفل الاخضر والطماطم اللى قطعناهم وتضيفى عليهم البهارات اللى احنا مجهزينها وتقلبيهم حلو وبعد كده تضيفى السدق اللى مقطعينو وتقلبيهم تقليبة حلوة وبعدين تضيفى الفول اللى هرسناه وتقلبى كله على بعضه وتضيفى نص كوب ماء وتضعى البرام اللى عملناه فى الفرن اقسم انكم كل يوم هاتعملوه على السحور وبالهنا والشفا