حينما يصبح المبدعون... سارقون!

هل سبق و ان دخلت السينما لتشاهد فيلما عربيا ثم فوجئت انك سبق و رايته من 7 سنوات
و لكنه كان فيلما اجنبيا و لكن (بأم العربي) ؟!
و ان الفبلم العربي عبارة عن
صورة باهته و حائرة و لا تدري ما تقول ؟

طيب هل سبق و ان سمعت لحنا عربيا و
انتابك احساس بانك تعرفه جيدا و انه (من النوع المألوف) و عندما اعتصرت ذهنك اكتشفت
بانه لحن لآغنية اجنبية كان دايما بيسمعها ابن الجيران؟!

هي ازمة ابداع ..
مش كدة؟
هل تعتقد ان اهل الفن هم فقط من يعانون من تلك
الازمة؟
ابدا..!!
كل من يمتهن مهنة من اساسياتها الابداع و التنوع و ثراء
الأفكار.. سارقون!
و جمعينا متهمون!

لماذا نسرق؟
ببساطة .. لأننا
ناضبو الفكر يعني بالبلدي دماغنا فاضية معندناش افكار..
طب ليه؟
عشان مبنعرفش
نتخيل .. متعلمناش نتخيل .. متعودناش نتخيل..
ليه؟؟؟
عشان اهلنا و مدرسينا و
المناخ اللي حوالينا صبوا عقولنا في قوالب زي قوالب الطوب الاحمر!
في حاجات كدة
مبتنفعش من غير نقاش..
و حاجات هي كدة من غير اسباب منطقية..
متعلمناش ازاي
نساير الحياة .. و نسهلها.. و نتماشى معاها..
و النتيجة..
اللي يحاول يشغل
دماغه بتبقى دماغه طاقه و لاسعة ..
بقينا بندور على اسهل الحلول و الحلول
الجاهزة..
في الحقيقة بقينا بنحب اي حاجة جاهزة!!
اسهل مش كدة؟؟
ليه نتعب
و ليه نحتار.. اللي عايز اي فكرة .. اي اختراع..
يروح اقرب سوبر ماركت .. يستولى
على فكرة مستوردة و مجمدة و معبأة آليا!!